ਦਿਲ਼ ਕਿੰਝ ਟੱਪਦਾ ਐ ਜਦ ਕੋਈ ਪੁੱਛਦੈ ਪਰਦੇਸ ਹੋ ਆਏ,
ਕਿਤਨੇ ਰੰਗ, ਰੂਪ, ਵੇਸ, ਭੇਖ, ਚੱਜ, ਅਚਾਰ, ਕਲਾ ਵੇਖ ਆਏ,
ਕੋਈ ਸਵਾਲ ਕਰਦੈ ਅਸਾਡੇ ਲਈ ਝੋਲੀ ਤਾਂ ਭਰ ਲਿਆਏ,
ਨਜ਼ਾਰੇ ਤਾਂ ਖ਼ੂਬ ਲੁੱਟੇ ਹੋਣੇ ਭਲਾ ਐ ਪਰਦੇਸੀਂ ਤੁਸੀਂ ਘੁੰਮ ਆਏ,
ਹੁਣ ਕਦ ਫ਼ੇਰੀ ਲਾਉਣੀ ਐ ਸਵਾਲ ਉਹਨਾਂ ਬੜੇ ਦੁਹਰਾਏ,
ਕਿਸੇ ਮੈਨੂੰ ਸਿਆਣਨਾ ਨਾ ਜੇ ਕੌੜੇ ਪਰ ਸੱਚੇ ਬੋਲ ਸੁਣਾਏ,
ਫਿ਼ਰ ਵੀ ਜਾਣਨਾ ਚਾਹੁੰਦੇ ਓ ਤਾਂ ਪੜ੍ਹ ਲਓ ਹੇਠਾਂ ਸੱਚ ਦੇ ਦੋ ਬੋਲ ਜੋ ਪਾਏ,
ਕਹਿਣਗੇ ਝੂਠ ਆਖਦੇ ਓ ਜੇ ਦੱਸੀਏ ਕਿ ਆਪਣੇ ਦੇਸ ਜਿਆ ਨਜ਼ਾਰਾ ਹੋਰ ਕਿੱਧਰੇ ਭੀ ਨਦਰੀਂ ਨਾ ਆਏ।
ਕਹਿਣਗੇ ਛੱਲ਼ ਕਰਦੇ ਓ ਜੇ ਦੱਸੀਏ ਕਿ ਆਪਣੇ ਦੇਸ ਜਿਆ ਨਜ਼ਾਰਾ ਹੋਰ ਕਿੱਧਰੇ ਭੀ ਨਦਰੀਂ ਨਾ ਆਏ।
ਕਹਿਣਗੇ ਭਰਮਾਉਂਦੇ ਓ ਜੇ ਦੱਸੀਏ ਕਿ ਆਪਣੇ ਦੇਸ ਜਿਆ ਨਜ਼ਾਰਾ ਹੋਰ ਕਿੱਧਰੇ ਭੀ ਨਦਰੀਂ ਨਾ ਆਏ।
30 May 2020